Ginpresentar ni Atty. Niña Aguilar, head sang Anti-Money Laundering Division sang Metrobank, ang mga ending balance sang mga account nga naka-link kay Vice President Sara Duterte, sa iya nga bana nga si Atty. Mans Carpio, kag sa ila nga mga anak.
Ginpakita ni Aguilar ang mga bank records sa ika-35 nga adlaw sang impeachment trial sang Vice President subong nga Miyerkules.
Kabahin ini sang presentasyon sang prosecution sang mga financial records nga may kaangtanan sa impeachment case angot sa ‘unexplained wealth’ sang bise presidente Duterte.
Sang ginpamangkot naman ni Senator-judge Kiko Pangilinan tuhoy sa kung paano matumod ang makaduluda nga bank transactions, nanindigan si Aguilar nga tanan nga mga na-report nila nga ‘suspicious transactions’ sa Anti-Money Laundering Council (AMLC) ang nagaagi sa maid-id nga pagbusisi kag validation.
Suno kay Aguilar, indi basta-basta gina-report ang mga bank transactions bilang ‘suspicious’ kag sa baylo, ginarepaso anay ang mga ini para indi maapektuhan ang bank profiles sang account holders.
Indi man suno sa iya mahimo nga ibase sa mga ‘tsismis’ ang nasambit nga report.
