NEW YORK – Ginpamatbatan nga guilty ang Mexican drug lord bangud sa mga smuggled drugs sa Estados Unidos.
Si Joaquin “El Chapo” Guzman ang magapangatubang sang pagkabilanggo tubtob kamatayon.
Gindakop si Guzman, 62 anyos bangud sa pagnegosyo sang tonelada nga cocaine, heroin kag marijuana kag lider man siya sang Sinaloa Cartel nga kilala bilang pinakadako nga organisasyon sa pagbaligya sang iligal nga droga sa Mexico.
Suno sa US prosecutors, kabug-osan nga 12 billion dollars nga balor sang droga ang nabaligya ni Guzman samtang kabahin man siya sa Forbes magazine nga pinakamanggaranon nga tawo sa bug-os nga kalibutan.
Nahibaluan nga nakaagi na preso si Guzman sa Mexico sang 1993 apang nakapalagyo ini sang 2001 kag natigayon nga mabalik sa presohan sang 2014 apang liwat na naman ini nga nakapalagyo.
