Nag-file sang petisyon sa Korte Suprema ang mga abogado halin sa Mindanao agud pauntaton ang impeachment proceedings batok kay Vice President Sara Duterte.
Ini ang ginpangunahan ni Atty. Israelito Torreon, legal counsel ni Pastor Apollo Quiboloy kag anay Land Transportation Franchising and Regulatory Board (LTFRB) Chairman Atty. Martin Delgra III.
Si Delgra ang nagserbe man sadto nga abogado ni Former President Rodrigo Duterte.
Magluwas sa ila, nagpirma man sa petisyon sanday Atty. James Reserva kag Atty. Hillary Olga Reserva kag iban pa nga mga abogado halin sa Davao kag mga suppporters ni Duterte.
Suno sa mga petisyoner, may yara sang pagpang-abuso sa gahom sang House of Representatives sa impeachment case batok sa bise presidente.
Ginakabig man sang mga abogado nga depektibo kag kwestyonable ang ginpasaka nga reklamo.
Samtang, gintalakay naman subong nga adlaw sang Korte Suprema sa ila en banc session ang isa pa ka separado nga petisyon nga nagahingyo sa Senado nga gilayon nga umpisahan ang impeachment trial.
