Istoryahan sang mga alkalde sa probinsya sang Iloilo subong nga adlaw kaupod si Iloilo Gov. Arthur Defensor Jr. ang tuhoy sa gin-aprubahan nga Inter-Agency Task Force for the Management of Emerging Infectious Diseases (IATF-EID) nga uniform travel protocols kaangay sang indi pag-require sa mga travelers nga magpaidalom sa COVID-19 testing kag quarantine.
Sa interview sang Bombo Radyo kay Gov. Defensor , iya ginpahayag nga ang importante may yara sang panindugan ang probinsya kag posisyon ang mga kabanwahanan base sa ila nangin eksperyensya may kaangtanan sa pagbaton sang mga Locally Stranded Individuals (LSIs) kag Returning Overseas Filipinos (ROFs).
Suno sa gobernador, ginabalanse man sang probinsya ang pagpatuman sang health protocols kag sa bahin sang ekonomiya.
Apang subong dugang pa sang natungdan, status quo lang anay ang probinsya may kaangtanan sa mga requirements nga kinahanglan bangud nangayo pa ang gobernador sang transition period.
