Mga alkalde sa quinto distrito, nagahingyo nga indi anay pag dal-on sa mga kabanwahanan ang mga LSI kag OFW nga maabot bangud nalap-ot na ang target capacity sa mga quarantine facilities

Nag-apela ang Northern Iloilo Alliance For Development nga ginalakipan sang 11 ka mga alkalde sa Quinto Distrito nga indi anay pagdal-on sa tagsa ka banwa ang mga maga-abot nga Locally Stranded Individual ukon repatriated Overseas Filipino Worker.

Sa interview sang Bombo Radyo kay Concepcion Mayor Raul Banias, iya ginpahayag nga 50 lang ka kwarto may yara ang quarantine facility sa banwa sa diin 43 na ka mga tawo ang na isolate.

Suno kay Mayor Banias, ang nasambit nga sitwasyon ang na eksperyensyahan man sang iban nga banwa sa quinto distrito gani mismo si Iloilo Gov. Arthur Defensor Jr. ang nag-apela man sa Inter-Agency Task Force agud nga mahatagan ini sang nagakaigo nga atensyon.

Dugang pa sang natungdan, hatagan anay sila sang ligwa agud mahitso kag ma preparahan ang ibutang nga quarantine facility.

Samtang sa bahin naman sang mga pagpalusot sang mga returning residents sa Iloilo halin sa Cebu nga naga-agi sa Estancia, pahayag sang alkalde, hugot nga ginabantayagan sang mga kapulisan ang puerto