ILOILO — Magpakigdayalogo ang mga akalde sa Western Visayas kaupod si South Cotabato Governor Reynaldo Tamayo nga National president sang Partido Federal ng Pilipinas kag ang Executive Vice President sang partido nga si Special Assistant to the President Antonio Ernesto Lagdameo, Jr.
Ini kasunod man sa patigayunon nga pagpanumpa sang kapin 1,000 ka mga politiko sa Partido Federal ng Pilipinas halin sa Region 6.
Sa interview sang Bombo Radyo kay Iloilo Governor Arthur Defensor Jr., Regional Chairman sang nasambit nga partido, iya ginpahayag nga sugodan sang oath taking ang programa kag pagasundan sang pagsinapol kaupod ang national kag local officials sang amo nga Partido.
Suno kay Defensor, hatagan sang kahigayunan nga mabatian ang bag-o nga mga myembro sang partido nga naggikan sa nagkalain-lain nga probinsya sang Western Visayas.
Ginakabig naman sang gobernador nga ang iya pagsaylo sang partido ang isa ka development decision.
Una na nga ginpahayag sang natungdan nga ang tikang ang isa man ka kahigayunan agud mapalapit ang Local Government Unit (LGU) sang Iloilo sa mga proyekto sang gobyerno.
