ILOILO CITY – Indi pa sigurado sang mga ambulant vendor sa syudad sang Iloilo kun makaginansya subong nga holiday season.
Sa interview sang Bombo Radyo kay alyas Inday, manugbaligya sang prutas, iya ginpahayag nga ang kapital ang iya gin-utang kag nagalaum nga kun tani makaginansya sang daku bisan subong lang nga holiday season.
Suno kay Inday, 6:00 PM – 6:00 AM lang ang tion nga mahimo makabaligya sa higad sang dalan kag kasubong nga masobra pa sila sa kawatan bangud nga indi permanente ang ila pwesto.
Ginpahayag ni Inday nga nag-ayo sila sa Iloilo City Govenrment nga bisan buwas na lang nga adlaw, Disyembre 31, pahanugutan sila nga makabaligya bangud nga madamu ang nagahingagaw ilabi na sa pagbakal sang 13 fruits.
