ILOILO CITY – Natumod na sang mga otoridad sa Kuwait ang lokasyon sang mag-asawa nga amo sang ginpatay nga Ilongga OFW nga si Joanna Daniela Dimafelis sang Barangay Ferraris, Sara, Iloilo.
Suno kay Bombo Radyo international correspondent Liberty Virtudes, ginpasiguro sang mga otoridad sa Kuwait nga madakpan ang mga responsable sa pagpatay kay Dimafelis.
Sa pinakaulihi nga imbestigasyon sang mga otoridad sa Kuwait, natumod na ang ginahamtangan sang mag-asawa sa Lebanon.
Nagapanguna nga suspek ang lalaki nga isa ka Lebanese bangud sang fingerprint sini nga nakuha sa ginluntaran sang krimen.
Samtang ginaimbestigaran na suno kay Vertudes ang guwardiya sang apartment sa pagpati nga may kahilabtanan ini sa pagpatay sa biktima.
Wala man ginpreso ang guwardiya bangud ginapangapinan man ini sang employer.