ILOILO CITY – All set na ang mga atleta kag ang mga game venues para sa Western Visayas Regional Athletic Association (WVRAA) Meet 2018.
Magabukas ang kompetisyon sa Dominggo, Pebrero 18, sa Iloilo Sports Complex, matapos nga gin-ako sang Iloilo ang pag-host sa event matapos nga nag-atras ang probinsiya sang Capiz.
Sa interview sang Bombo Radyo Iloilo, ginpahayag ni Nick Valenzuela, coordinator sang WVRAA Meet, wala na sang problema sa mga billeting areas.
Nakahanda na ang mga buluthuan nga amo ang tiniran sang mga atleta.
Suno kay Valenzuela, matinlo na ang mga billeting areas, ilabi na ang mga comfort rooms.
Ginpasiguro naman sang Metro Iloilo Water District (MIWD) suno kay Valenzuela, ang bastante nga supply sang tubig sa mga billeting areas.
Magapaindis-indis ang mga atleta sang Iloilo, Capiz, Aklan, Antique, Guimaras kag ang nagabalik nga probinsiya sang Negros Occidental.