ILOILO CITY – Igatugyan sang City Social Welfare and Development Office (CSWDO) ang Badjao nga madakpan sa tion nga magpatigayon sang rescue operation ang Public Safety and Transportation Management Office (PSTMO).
Una na nga na-rescue ang 8 ka mga Badjao sa una nga adlaw sang rescue operation kag magapadayon pa ang nasambit nga lihok agud nga matapna ang pagliho-liho sang mga Badjao sa syudad sang Iloilo.
Sa interview sang Bombo Radyo kay Mr. Jeck Conlu, pinuno sang PSTMO, iya ginpahayag nga may yara sang temporary shelter para sa mga Bajao agud nga mahatagan sila sang nanari-sari nga bulig bag-o papauli-on sa ila ginhalinan nga lugar.
Suno kay Conlu, magluwas sa bulig pinansyal, pagahatagan sang edukasyon agud matudluan sila kun paano magpangita sang palangabuhi-an.
