BAROTACNUEVO,ILOILO– Nagkalaguba ang mga panimalay sa Zone 2A kag B sa Brgy. Cabilauan, Barotac Nuevo Iloilo matapos ini agyan sang buhawi.
Nahibaluan nga tatlo ka mga balay ang totally damaged nga ginapanag-iyahan nanday Domingo, Solacito, Ronito Ligo,kag Jobert Parreño.
Samtang partially damaged naman ang mga balay nanday Ma. Fe Benerio, Kgwd. Ranel Perpas, Arlene Abangay, Arnolfo Paran, Melvin Agabe, Lavel Robles, Jhony Solacito, Nestor Pacifico kag Porsisa Lustria.
Sa interview sang Bombo Radyo kay Kagawad John Garcia sang nasambit nga barangay, iya ginpahayag nga mabaskog ang hangin nga nag agi sa ila nga barangay.
Ginlaragway nya ini nga daw kaangay sang dako nga truck ang hagong sang hangin nga naghakwat kag nagguba sa mga panimalay.
Suno kay Garcia nagapangayo sila sa subong sa munisipyo sang banwa sang Barotac Nuevo sang bulig para sa mga nabiktima sang nag-igo nga buhawi.
