PANGASINAN – Nagalalain subong ang mga manugpangisda sa Bolinao kag Anda sa Pangasinan matapos nabiktima sang isolated fish mortalities ukon pagkalamatay sang madamo nga mga bangrus.
Banye-banyera naman nga mga bangrus ang nakuha sa mga fishpen.
Gin-athag naman sang local government unit (LGU) sang Anda, Pangasinan nga isa sa pinakadako nga producer sang bangrus nga safe nga kaunon ang ila mga isda.
Sa pihak ini sang isolated fish mortalities sa 125 fish cages bangud sa pagbag-o sang panahon.
Ginpahayag sang LGU nga indi ini makabig nga fish kill.
Sa subong, tuman ka barato na lang ang presyo sang kada kilo sang bangrus sa diin ang bagsak presyo ang yara sa P10-P30.
Samtang yara naman sa P90-P100 ang farm gate price sang bangrus nga harvestable.
Ang iban naman ang libre na lang nga ginpanagtag.
Ginahibalo pa subong sang mga otoridad ang rason sang isolated fish mortalities.
