Nagpanawagan si House Speaker Faustino Dy III sa mga punong barangay sa bilog nga pungsod nga magbulig sa kampanya agud nga matapna ang kurapsyon.
Ini paagi sa pag-monitor sa mga proyekto sang Department of Public Works and Highways (DPWH) nga ginapatuman sa mga barangay.
Kabahin ini sang iya nga speech sa Liga ng mga Barangay Congress sa World Trade Center sa Pasay City.
Suno kay Speaker Dy nga nag-umpisa man anay sa iya karera sa barangay level sa Isabela, bisan ano pa kahugot sang pagsulundan nga mangin transparent sa ginaduso nga national budget, importante gihapon nga mangin istrikto pag-abot sa implementasyon sang proposed project.
“Ang pinakamahalaga po rito kahit gaano na po natin higpitan at tiyakin na transparent at accountable ‘yung atin pong pino-propose na budget, ang importante po rito kapag nandoon na po sa implementation period itong mga proposed project sa atin pong mga lugar,” pahayag sang House Leader.
Dugang sini, kun nagapakig-angot ang barangay sa district offices sang DPWH, mas masundan kag ma-monitor sang maayo ang proyekto kun nagasunod ini sa standards kag specifications.
“Kaya napakahalaga muli ng inyo pong magiging responsibilidad at tungkulin. Hinihiling ko po sa inyo na sana alamin ninyo sa bawat district sa Department of Public Works [and Highways] kung ano pong mga projects o program na darating sa inyo pong lugar, lalong-lalo na sa mga sinasakupang ninyong mga barangay,” suno sa iya.
Pahayag pa sini: “Magiging malaki po ang bahagi ninyo para tanggalin at tuldukan na natin at talunin natin ang korapsyon dito sa ating bansang Pilipinas.”
