ILOILO CITY- Posible nga magpangatubang sang kaso ang mga barangay official nga wala nagapati sa pagtukod sang Material Recovery Facility.
Sa interview sang Bombo Radyo kay anay Iloilo City Councilor Joshua Alim, iya ginpahayag nga naka-istorya siya sa leader sang grupo nga nakarehistro sa Securities and Exchange Commission kag nagahanda sila sang mga dokumento agud mapasakaan sang kaso ang mga barangay officials nga wala nagasunod.
Samtang, para sa iya suno kay Alim, nagakadapat nga pahanugutan ang mga barangay officials nga magpatigayun sang Lakbay Aral bangud isa man ini ka pamaagi agud nga may matun-an sila.
Ang importante suno kay Alim amo nga pagkatapos sang Lakbay Aral, may yara sang input ukon matun-an ang mga barangay official pinaagi sa pagpatuman sang mga proyekto kag aktibidad may kaangtanan sa pagsunod sa layi tuhoy sa Solid Waste Management.
