ILOILO CITY- Istrikto man ang pagpatuman sang kabarangayan sa gin-reactivate nga border control sa Syudad sang Iloilo sa tunga sang nagataas nga kaso sang COVID-19 kag narecord nga iban nga variants.
Sa interview sang Bombo Radyo kay Punong Brgy. Dominador Deocampo sang Tanza Baybay, Iloilo City Proper, iya ginpahayag nga 24/7 ang ila pagbantay agud masiguro nga wala sang may makasulod nga indi nila pumuluyo.
Suno kay Deocampo, ang mga Indian Nationals nga nagapautang ang indi mahimo nga makasulod sa barangay.
Kon emerhensiya naman ang katuyuan sang pagpadulong sang isa ka pangayaw, ipatawag nalang ang pumuluyo nga iya kadtuan agud sa gwa sang barangay lang sila magkitaay.
Ang mga tawo naman nga luyag magsulod sa Iloilo Fish Port Complex ang itugyan na nila sa nagabantay diri.
