Nag-amat-amat na sirado ang pila ka mga barbershop sa Iloilo City matapos ginpaidalom sa Enhanced Community Quarantine (ECQ) status ang syudad.
Sa interview sang Bombo Radyo kay Rene Sarandin, nagapanag-iya sang isa ka barbershop, iya ginpahayag nga nakabaton na sila sang direktiba nga magpanirado bangud makabig sila nga non- essential.
Suno kay Sarandin, bilang alternatibo, nagbaligya na lamang sila anay sang pila ka mga pagkaon agud nga indi sila madulaan sang palangitan-an.
Nabalaka naman ini sa iya mga tinawo nga barbero nga pila ka adlaw nga madulaan sang trabaho.
