Atensyon sa mga mahilig magkaon sang Okra!
Ang okra ang kilala sa nagkalain-lain nga lugar sa bug-os nga kalibutan nga kun tawgon amo ang ‘lady finger’.
Suno kay Joanne Maneja Artap, isa ka dietitian, ang okra ang ginalakipan sang 90% nga tubig; 2% protina; kag 7% carbohydrate.
May yara man sang fiber vitamin C kag K, follate, calcium, potassium, vitamin B6), magnesium, manganese, beta-carotiene kag lutein.
Dugang pa sang eksperto, sa pagkaon sang okra, makabulig ini sa paglikaw sa pag-angkon sang sakit sa atay.
Ginapanubo man sang okra ang blood sugar sang isa ka tawo bangud may yara ini sang insulin.
Nahibaluan nga maayo man sa mga nagabusong ang pagkaon sang okra bangud sa bitamina nga my yara ini agud malikawan ang “spinal bifida” nga isa ka sahi sang depekto sa pagbun-ag kag ginasigurado man nga healthy ang pagdako sang bata.
Panugyan sang eksperto, apisar nga makit-an ang okra sa diin man nga bahin sang pungsod, tinguhaan sa gihapon nga makapili sang mga organic nga okra kag hugasan sang maayo antes lutuon.
