ILOILO- Gindagdagan sang Commission on Audit sang Notice of Disallowance ang Iloilo provincial government nga nagamandu nga ipatuman ang pagbawi sang financial assistance nga ginhatag sa mga barangay volunteer workers sang tuig 2009.
Sa interview sang Bombo Radyo kay Iloilo Provincial Administrator Atty. Suzette Mamon, iya ginpahayag nga masobra sa 22,900,000 ang ginapabalik sang Commission on Audit nga ginhatag sadto sa idalom sang administrasyon ni anay Governor Niel Tupas Sr.
Suno kay Mamon,ang COA order of execution 2016-120 nga desisyon nga napetsahan Oktubre 4, 2016 nagamandu nga punggan ang pagbayad sa mga barangay volunteer workers agud nga mabayaran nila ang kantidad nga ila nabaton sadtong 2009.
Gindugang niya nga mabuhinan sang 2,000 pesos ang kabug-usan nga kantidad nga mabaton sang mga barangay volunteer workers bangud ibuhin ini santo sa mandu sang komisyon.
Samtang,suno naman kay Iloilo Governor Arthur Defensor Jr., batunon sa gihapon sang mga barangay health workers kag Barangay Service Point Officers ukon BSPO’s ang P4,000 pesos nga allowance.
Suno kay Defensor, iya ini risguhan bangud yara na ini sa budget sang probinsya.
Ginpahayag niya nga may yara sang entitlement para sa cash assistance ang mga barangay service point officers gani nagakadapat ini nga ihatag sa ila.
