Ginkumpirma sang Israel nga nakabalik na sa ila mga puluy-an ang ulihi nga 20 ka mga bihag sang Hamas.
Ang nasambit nga bihag nga uyat sang Hamas sang masobra duha ka tuig.
Ginpatigayon ang anunsyo samtang yara sa Israel si US President Donald Trump matapos ginduso sini ang ceasefire deal sa Hamas kag Israel.
Nakabaton sang standing ovation si Trump halin sa mga lawmakers sang Israel bangud sa madinalag-on nga ceasefire deal.
Nagtililipon naman ang mga tawo sa Tel Aviv para maghatag sang suporta sa mga ginbihag nga pamilya,kun sa diin napun-an sang emosyon bangud sa pag-release sa mga ini.
Nakabutang sa nasambit nga ceasefire deal ang pagabuy-an man sang Israel ang yara sa 2,000 ka mga preso nga Palestino.
Madamo nga tawo man ang nagtipon sa Ramallah City sa Palestine para hulaton ang pag-abot sang una nga bus nga may karga nga mga preso.
Lakip sa nga pagabuy-an ang 205 ka mga security detainees, nga may kahilabtanan sa pagpatay sa Israelis kag 1,700 nga mga ginpreso nga suldado sang Israel sa Gaza sang kasagsagan sang gyera.
