Nagapabilin sa gihapon sa ospital ang 10 ka mga biktima matapos ginsalakay sang pick up ang isa ka salon sa Roxas Street, Barangay 1, San Miguel, Iloilo.
Sa interview sang Bombo Radyo kay Police Major Jojo Tabaloc, hepe sang San Miguel Municipal Police Station, iya ginpahayag nga ang 10 ka mga biktima ang lunsay yara sa sulod sang salon.
Suno kay Tabaloc, may yara man sang store sa lugar ang driver sang pick up nga si Marites Bongol, 44 anyos, sang Brgy. Bancal, Alimodian, Iloilo.
Natapakan sang driver ang gasolinador sa baylo nga break kuntani rason nga nagderetso ini sa salon.
Ginkilala naman ang tag-iya sang salon nga si Loraine Sancio.
Dugang pa sang hepe, wasak gid ang salon sa diin ginabanta malapit sa isa ka milyon ka pesos ang halit nga natuga sa pagkabunggo sang pick up.
