IGBARAS, ILOILO – Wala na sang plano nga magpasaka kaso ang mga biktima batok sa driver sang delivery van nga nagkabunggo sa isa ka depampasahero nga jeep sa Brgy. Nanga, Guimbal, Iloilo.
Sa nasambit nga aksidente, 11 ang pilason apang yara naman sa maayo nga kahimtangan.
Ang mga biktima ang ginkilala nga sanday:
-Noel Ersuelo
-Lovely Joyce Tuvilleja
-Jherson Torato
-Arlene Duran
-Asheneth Myles Duran
-Carl Lester Duran
-Leonorico Galimba
-Rondyio Fernandez
-Salvador Evalle
-Garlie Caguioa
-Rogelio Garvilles
Duha sa mga biktima ang gin-refer sa Western Visayas Medical Center matapos nag-angkon sang pilas nga gintunaan sang pagpalamanog sang ila tiil.
Nahibalu-an nga nagapadulong sa Igbaras, Iloilo ang depampasahero nga jeep nga may ruta Igbaras-Iloilo City sang nabunggu-an sang nagasunod nga delivery van.
Nadagdag sa kanal kag nagtakilid ang jeep nga ginamaneho ni Michael Evalle, 36 sang Igbaras, Iloilo.
Nauna nga ginkustodiya sang otoridad ang driver sang delivery van nga ginkilala nga si Wilbert Gaya-Gaya, 37 sang Capiz.
