Ginaduso sang isa ka abogado ang mga biktima sang pagpang-abuso nga naga-eksperyensya sang ‘victim blaming’ nga gilayon magdangop sa Children and Women’s Desk.
Sa interview sang Bombo Radyo kay Atty. Alfredo Arungayan III, iya ginpahayag nga ang Philippine National Police (PNP) ang may Children and Women’s Desk agud nga matutokan kag magiyahan ang mga biktima sang ‘victim blaming’.
Suno kay Arungayan, ang tagsa ka syudad ang may yara sang Shelter for Women and Children nga pwede dangpan sang mga naka-eksperyensya sang amo nga sitwasyon.
Ginpahayag man sini nga kon indi man makapalapit sa mga nasambit nga talatapan, mahimo nga magpangayo sang bulig sa isa ka abogado.
Gin-athag man sang natungdan nga mahimo magpadulong sa piskalya nga ahensya agud nga mapasigurado nga mahatagan sang solusyon ang amo nga sirkumstansya.
