Mga biktima sang Martial Law sa Butuan City umpisa na nga nakabaton sang cash nagikan sa pagbaligya sang Marcos paintings

Nahatagan na sang kwarta ang mga biktima sang human rights violation sa idalom sang diktadurya ni anay Presidente Ferdinand Marcos sa Butuan City.

Pinaagi kay Robert Swift nga abogado sang mga biktima, nahatagan na sang P77,500 ang tagsa ka mga biktima matapos nga ginbaligya ang apat ka mga paintings ni Marcos.

Ang artworks sang mga Marcos ang kabahin sang ila nga ill-gotten wealth.

Nahibaluan nga ginabanta 9,000 ka mga biktima ang nagpasaka sang kaso batuk sa mga Marcos sang 1995.

Apang 6,600 lamang ka mga biktima ang nag coordinate kay Swift.

Una na nga narekober sang Presidential Commission on Good Government (PCGG) ang P172.66 billion nga balor sang ill-gotten wealth nagikan sa mga Marcos kag mga abyan sang anay presidente.