Nagapanawagan sang hustisya kag bulig ang mga biktima sang nadagdag nga steel girder sang Skyway Extension Project sa diin isa ang patay kag apat ang pilason.
Ang ginbawian sang kabuhi amo si Edison Paquibot, isa ka driver sang motorsiklo, pamilyado kag may apat ka tuig nga anak.
Kaadlawan pa kuntani kahapon sang biktima.
Suno kay Marilou, asawa sang biktima, kinahanglan nga manabat ang mga involve sa aksidente.
Ginsabat naman sang EEI Corporation ang bill sa ospital kag gasto sa pagpalubong kay Edison.
Pahayag naman sang isa pa ka biktima nga naggupi ang iya motorsiklo, kuntani indi na pagpalawigon pa sang kompaniya ang paghatag sang bulig bangud makaluluoy lamang siya nga ang ginagamit sa palangabuhian amo ang iya motorsiklo.
Nagalaom man ang taxi driver nga ma-islan sang nasambit nga kompaniya ang iya salakyan nga naggupi man bangud sa pagkahulog sang steel girder.
Nahibaluan nga matapos na kuntani ang proyekto sa Disyembre subong nga tuig apang bangud sa natabo, ginalauman nga ini ang ma-delay.
