Nagapanawagan ang mga pumuluyo sang Boulevard, Molo sa Iloilo City Government nga mabuligan sila matapos nga natupok sang kalayo ang ila mga panimalay.
Sa interview sang Bombo Radyo kay Jessica Macapar, isa sa mga biktima sang sunog, iya ginpahayag nga masubo ang ila nga paskwa subong ilabi na nga ang nasalbar niya amo lamang ang iya cellphone kag hand bag.
Ang ila washing machine suno kay Macapar ang ginkawat pa samtang ang P10,000 niya nga cash ang nadala man sa mga nasunog.
Dugang pa sang natungdan, nagakatulog pa ang iya hinablos sang nagluntad ang sunog apang maayo lang nga ini ang nahingagaw pukaw.
Samtang posible naman nga mga taga North Baluarte, Molo suno kay Punong Barangay Virgilio Villanueva amo ang mga nagpangawat sang mga gamit sang nasunogan.
Pahayag ni Villanueva, gina-alegar nga apat ka mga lalaki amo ang mga nagkuha sang mga gamit kag ini ang ginakilala pa.
Sa subong, nagapabilin sa Baluarte Elementary School ang mga nasunogan.
