ILOILO CITY – Nakabaton na sang ayuda ang mga biktima sang sunog sa South San Jose, Molo, Iloilo City.
Sa interview sang Bombo Radyo kay Amy Bautista, isa ka barangay clerk, iya ginpahayag nga naghatag ang Iloilo City Government sang bugas , mga delata kag habol sa tagsa ka mga pamilya sa sulod sang 15 ka adlaw.
Suno kay Bautista, magluwas sa city government, naghatag man sang ayuda ang iban nga mga tawo.
Nagapanawagan naman ang mga biktima sang sunog nga kuntani mahatagan sila sang hiligdaan kag ulunan agud nga may yara sang komportable nga matulugan.
Nahibaluan nga nagdangat sa 11 ka mga balay ang ginlamon sang kalayo sa diin 6 ang totally damaged kag 5 naman ang partialy damaged.
