Nagpa-Bombo ang pila ka mga boarders sang isa ka boarding house sa Tanza Timawa 1, Iloilo City matapos nga ginpahalin sila matapos nagreklamo nga wala sila sang maayo nga tubig.
Sa interview sang Bombo Radyo kay Alyas Ian, tagreklamo, iya ginpahayag nga sang ila ginreklamo ang nasambit nga problema sa tubig, masami nga wala nagasabat ang tag-iya sang amo nga boarding house.
Suno kay Ian, sang nabaton sang tag-iya sang boarding house ang reklamo, gilayin niya nga ginpahalin ang tanan nga naga-board kag namahog pa nga indi pag-ibalik ang ila gin-deposit nga kwarta.
Ginbuyagyag man sini nga tatlo na ka bulan nga wala sang tubig ang ila boarding house kag ginapabay-an lamang sila.
Halos pasalig naman ang nabatian sang natungdan nga kay-uhon sang tag-iya ang problema sang tubig, apang tubtob subong, wala sa gihapon matandog.
