Nagapati si Senate Deputy Minority Leader Risa Hontiveros nga posible nga diri pa gihapon sa Pilipinas ang mga boss sang iligal nga Philippine offshore gaming operator (POGO).
Si Hontiveros amo ang nagpanguna anay sa Senate investigation sa POGO activities lakip na ang kaso ni dismissed Bamban, Tarlac mayor Alice Guo.
Suno sa senadora, ang presensya sini nga high-ranking Pogo officials ang rason kun ngaa may mga illegal Pogo hubs pa sa gihapon nga naga-operate sa Pilipinas kag ginpagamay lang kag ginhimo nga “guerilla-like operations.”
Ginbuyagyag man sini nga may bag-o nga modus ini nga illegal firm para nga mahaylo ang mga Pinoy nga mag-intra sa iligal nga operasyon.
Ginpahayag nga nagagamit sila sang travel ads sa umpisa, kag kun may yara na sang mga interesado, ginahingyo sila nga mag-sign in, kag iga-recruit sila sa scam operations. Nagapati man ang senadora nga ang nagasaka nga kaso sang text scams ang maangot man sa POGO.
“’Yung mga POGO bosses na ‘yan malamang nandito pa rin. Hindi pa lumalabas. Kasi ino-oversee pa nila yung pag-morph ng kanilang POGO operations sa mas maliliit, guerrilla-like operations. May mga bago pa silang modus. Mga travel ads. Kunong travel ads sa simula. Pero sa mag-signify ng interest, parang pa sa sign-in nila at i-recruit nila sa mga scam operations na pala,” pahayag sang senadora sa Kapihan sa Senado.
“Of course, mahirap maging completely POGO-free agad kasi at least nine years na sila o eight years sila nandito mula ng panahon ni Duterte. Pero mahirap man we can and we should put an end to them,” suno pa sa senadora.
Matandaan nga sa State of the Nation Address (SONA) ni President Ferdinand Marcos Jr. sang Hulyo 2024, naghugyaw ang halos tanan sang ginsiling ini nga i-ban ang Pogo sa Pilipinas.
Apang bisan may presidential ban, may reports nga nakapangita sang paagi ang Pogo nga maka-operate gihapon kaangay sang pagpakuno-kuno nga isa sila ka call center ukon business process outsourcing firm.
