ILOILO CITY – Wala na sang barangay official sa probinsya sang Iloilo nga nagbalik sa illegal drug operation.
Sa interview sang Bombo Radyo kay Police Major Rolando Araño, spokesperson sang Iloilo Police Provincial Office, iya ginpahayag nga base sa ila monitoring, kalabanan sa mga barangay opisyal nga una nga na-angut sa iligal nga droga ang na-delist na.
Sa data sang kapulisan, apat ka mga punong barangay kag 11 ka mga barangay kagawad ang na-angut sa iligal nga droga kun sa diin, ang 13 diri ang delisted kag duha ang detain sa Bureau of Jail Management and Penology.
Ang ini nga data ang humalin pa sang 2016 sang nagsugod gid ang Oplan Tokhang.
Gin-athag sang natungdan nga apisar delisted na ang kadam-an sa mga barangay official, nagapadayon sa gihapon ang pag-monitor sa ila.
Sa tion nga ma-monitor ang liwat nga pagbalik sang mga ini sa illegal drug trade, magapatigayon sang anti-illegal drug operation ang kapulisan.
