ILOILO CITY – Ginboto gihapon sang ila pumuluyo ang pila ka mga barangay officials sa siyudad sang Iloilo nga naulamid sa iligal nga droga.
Sa Bakhaw, Mandurriao, ginlampaso ni Punong Barangay Remia Gregori ang kasumpong nga si Ronnie Tijam sa pagka-punong barangay.
Si Gregori ang utod sang gintumod sang PDEA nga drug lord nga si Richard Prevendido.
Nagdaug man si Punong Barangay Keith “Dabing” Espinosa sa pagka-punong barangay sa Monica Blumentritt, Iloilo City City batok kay anay Punong Barangay Frank Espinosa.
Si Punong Barangay Espinosa ang asawa sang ginapahayag nga isa sa mga salaligan sang PDEA-identified drug lord nga si Melvin Odicta Sr. nga si anay Barangay Kagawad Jesus “Jing-Jing” Espinosa Jr.
Sa bahin sang pagka-konsehal, nagdaug si anay Punong Barangay Noel “Nene” Odicta sang Tanza Esperanza, City Proper mangin ang nagaisahanon nga gintumod sa pinakabag-o nga narco list nga ginpaguwa sang PDEA kag DILG nga si Punong Barangay Gemma Calzado sang Barangay Kasing-Kasing, Molo, Iloilo City.
Nagaisahanon nga nalutos si Punong Barangay Noemi Hablo sang Desamparados, Jaro nga liwat nagpapili sa pagka-punong barangay.