ILOILO CITY – Nakibot ang mga barangay official sang Concepcion, Iloilo City Proper sa natabo sa subject sang drug-buy bust operation nga ginkamatay sang isa ka pulis.
Ang nadakpan amo si Glen “Bongbong” Yturriaga nga nakuhaan sang masobra P7 million nga balor sang iligal nga droga.
Napatay sa amo nga operasyon si Police Staff Sergeant Michael Milan nga katapo sang Special Weapons and Tactics.
Sa interview sang Bombo Radyo kay Punong Barangay Madonna Martin, iya ginpahayag nga wala sang anuman nga malain nga record si Yturriaga sa ila lugar.
Suno kay Martin, wala man nagagwa sa ila balay ang amo nga durugista.
Pahayag niya, wala man siya sang ideya kun ano ang trabaho ni Yturriaga.
Dugang pa niya, naga-gradwar na si Yturriaga drug sa rehabilitation kag sa pagkamatuod, may yara na ini sang certificate nagikan sa ila barangay.
Apang gin-athag niya nga apisar naka-gradwar na ini, yara ini sa gihapon sa listahan sang Barangay Anti-Drug Abuse Council kag padayon nga gina-monitor.
