Nakaabot na kahapon nga adlaw, Mayo 17, sa Agusan Del Sur ang mga delegado halin sa Western Visaya para sa Palarong Pambansa 2026.
Sa interview sang Bombo Radyo kay Mr. Hernani Escullar Jr., spokesperson sang Department of Education Region 6, iya ginpahayag nga lakip sa mga nakapadulong na sa nasambit nga lugar amo ang 767 delegates.
Suno kay Escullar, gina-monitor gid ang mga kabataan nga magarepresentar sang Western Visayas ilabi na subong nga tuman ka init ang panahon nga possible man nga makaapekto sa performances sang mga ini.
Lakip sa mga nagpadulong sa Agusan amo ang mga Medical officers kaangay sang Doktor kag nurse agud nga mahatagan gilayon sang assistance ang magakinahanglan sang bulig.
Sa subong, yara nagatinir ang mga delegates sa Rosario Central School kag sa Datu Lipus Makapandong National High School nga nagserbe nga ila billeting areas kun sa diin hugot naman nga ginapatuman ang mga safety protocols agud nga masiguro nga safe ang lugar para sa mga kabataan.
Magabukas ang Palarong Pambansa sa May 24 kag magatakop sa Mayo 31, 2026.
