Nalakip ang Pilipinas sa mga delegado nga nag-walkout sa United Nations General Assembly samtang naga-deliver sang speech si Israeli Prime Minister Benjamin Netanyahu.
Suno sa Department of Foreign Affairs ukon DFA, isa ini ka pagpakita sang suporta sa panawagan para sa kalinong sa Middle East.
Pahayag sang DFA nga ginakabalak-an sang Pilipinas ang nagalala nga humanitarian crisis sa Gaza, pagpadayon sang settlement plan sang Israel kag pagsaka sang settler violence sa West Bank.
Ginpahayag man sang DFA nga padayon nga ginasuportahan sang Pilipinas ang two-state solution bilang paagi sa paglab-ot sang kalinong sa rehiyon.
Samtang, nagpangakig naman si Netanyahu sa mga opisyal nga nag-walkout kag gintawag sila nga “moral cowards.”
