ILOILO CITY – Nagwangal ang pila ka mga drivers bangud indi palareho ang nabaton nga Special Amelioration Project (SAP) sa Land Transportation Franchising and Regulatory Board (LTFRB).
Sa interview sang Bombo Radyo kay alyas Chris, isa sa mga driver kag beneficiary, iya ginpahayag nga malawig siya nga nagpila sa LTFRB apang nagalibog ang ulo niya bangud indi palareho ang nabaton nila nga SAP.
Suno kay Chris, P6,000 lamang ang nabaton niya, samtang ang iban niya nga kaupdanan nga driver, ang nakabaton sang kapin P12,000.
May yara naman suno kay Chris sang mga driver nga wala gid sang may nabaton nga SAP apisar nga yara man ang pangalan sa LTFRB kag kompleto na ang mga requirements.
Pahayag sang natungdan, luyag lang nila maathagan kun ano ang insakto nga proseso sang nasambit nga ahensya apang wala sila sa gihapon mahatagan sang atensyon.
