ILOILO CITY – Nagpanawagan ang pila ka mga drivers nga wala sang Pasada card nga kun mahimo, makabaton man sila sang ayuda bangud apektado man sila sang nagataas nga presyo sang gatong.
Sa interview sang Bombo Radyo kay Romel Chavez, driver sang jeep nga may byahe nga Jaro CPU- Ungka ITGSI, iya ginpahayag nga wala naka-apply sa Pasada card ang operator sang jeep bangud isa ini ka seafarer.
Suno kay Chavez, kung may yara kuntani sang ayuda, salamahon ang mga driver kay indi tanan sa ila ang may card kag tanan sila ang apektado sang oil price crisis.
Dugang pa ni Chavez, nagtaas man ang numero sang ila nga pasahero apang nagtaas man ang presyo sang gatong.
Ang P6, 500 nga fuel subsidy nagikan sa gobyerno ang ginapaagi sa Pantawid Pasada card sang mga drivers.
