ILOILO CITY – Ginbuyayaw sang mga pasahero ang mga drivers kadungan sang pagpatuman sang enhanced Local Public Transport Route Plan (LPTRP) sa syudad sang Iloilo.
Sa interview sang Bombo Radyo kay Mie Ganzon, presidente sang Leganes Chapter nga ruta, iya ginpahayag nagapangakig ang mga pasahero bangud kulang ang mga jeep sa mga terminal.
Suno kay Ganzon, naga-adjust pa sila sa bag-o nga pagsulundan sa pagbyahe ilabi pa nga 25% lang sa ila mga units ang ginapasugtan nga makasulod sa Iloilo City sa tion sang weekdays.
Ang mga pasahero naman nga nagasakay sa jeep nga wala naka-schedule nga magsulod sa syudad ang mapilitan nga magpanaog kag magsaylo naman sa lain nga salakyan.
Ginpahayag sini nga ang tanan nga mga units halin sa first town municipalities ang mahimo lang mga makabyahe sang 100% sa Iloilo City sa tion sang weekend kag holidays.
Nagpangayo man ini sang paghangop, indi lang sa mga pasahero kundi mangin sa mga drivers nga nagareklamo nga alternate lang ang ila pagbyahe.
