ILOILO – Nagdangat na sa 83.75% ang mga drug-cleared barangays sa Western Visayas.
Sa interview sang Bombo Radyo kay Alex Tablate, director sang Philippine Drug Enforcement Agency (PDEA) Region 6, iya ginpahayag nga katumbas ini sang 3,393 out of 4,051 ka mga barangay sa rehiyon.
Suno kay Tablate, sang tuig 2017 may ara sang 66% nga kumpirmado nga mga drug-affected barangays sa Western Visayas kun sa diin 2.20% ang nadeklarar nga drug cleared.
Amat amat ini nga nagsaka tubtob nga 83.75% na subong nga 2021 ang drug cleared barangays sa rehiyon.
Target man sang PDEA Region VI nga madeklara nga cleared ang nabilin nga masobra 16% drug-affected nga mga lugar sa nabilin sa termino ni Presidente Rodrigo Duterte.— (Text by: Bombo Sheina Marie Suelan)
