Gin-ako sang mga otoridad ng nangin komplikado na subong ang pagdakop sa mga drug personalities sa Western Visayas kun ipaanggid sang nagligad nga tuig.
Sa interview sang Bombo Radyo kay Police Captain Glen Soliman, head sang Regional Police Drug Enforcement Unit (RPDEU), iya ginpahayag nga moderno na nga teknolohiya ang ginagamit sa baligya-anay sang iligal nga droga.
Suno kay Soliman, kun sang una, personal gid nga nagahatagay sang kwarta ang mga drug pusher kag ila nga customers, sa subong, ginapaagi na ini sa online transactions.
Bangud sini suno sa natungdan, makilala gilayon sang mga nagaduso sang iligal nga droga ang ila nga mga customers, sa diin kun indi nila kilala ang naga-transaction, wala ini basta-basta nga ginabaligyaan.
Sa pihak sini, ginpasalig sang natungdan nga indi sila mag-untat tubtob indi mapapas sang iligla nga droga sa rehiyon.
