May yara man sang ‘new normal’ ang mga durugista sa ila pagpatigayon sang drug transactions sa Western Visayas.
Sa interview sang Bombo Radyo kay Shey Tanaleon, spokesperson sang Philippine Drug Enforcement Agency (PDEA) Region VI, iya ginpahayag nga sa ila padayon nga monitoring, online na ang pagbaligyaanay sang iligal nga droga sa tunga sang COVID-19 pandemic.
Suno kay Tanaleon, natukiban nila nga ini na ang bag-o nga pamaagi kag stratehiya sang mga durugista agud nga indi mag-untat ang ila iligal nga mga transaction.
Pahayag pa niya, posible nga ini na ang permanente na nga palangabuhian sang mga durugista bangud sa kapigaduhon sa tunga sang pandemya.
