Ginplastar ni Senator Ronald ‘Bato’ Dela Rosa nga mapilitan ang mga Duterte nga pamunuan ang oposisyon kun magpakig-alyansa si President Ferdinand Marcos Jr. sa “pink forces” kag sa iban pa nga non-traditional partners.
Pananglitan man may political opposition nga tukuron ang mga Duterte, ginapanan-aw sang senador nga mangin maayo nga option agud mangin ila lider si Vice President Sara Duterte kag ang iya amay nga si anay Presidente Rodrigo Duterte.
Matandaan nga sang damlag lang, ginpalutaw ni anay senador Antonio Trillanes IV ang posibilidad nga may tukuron nga “Anti-Duterte Unity Ticket”.
Ini kasunod man sang anunsyo ni Sara nga ang iya amay kag duha ka mga utod nga sanday Davao Rep. Paolo Duterte kag Davao Mayor Sebastian Duterte ang magapadalagan sa pagkasenador sa 2025 elections.
Pahayag naman ni Bato, kun yara na ang mga yellow kag pink sa Malacañang, wala na sang choice ang mga Duterte bangud wala na sang oposisyon.
“No choice. Ano bang mangyayari dyan? Eh wala ng opposition. Nandoon na ‘yung mga yellow, mga pink – kasama na sa Malacañang. Paano mafi-fiscalize ‘yung mga affairs of the state kung walang opposition? At saka ang tao naman ang titingin dyan eh,” pahayag sini.
Dugang pa sini: “Ganito ‘yan, kung mag align sila: Ano pang purpose bakit sila nag-join forces sa Malacañang? Hindi ba para hadlangan ang Duterte. So kapag ganon – hadlangan ang Duterte – obvious na opposition na ang Duterte nyan kapag ganyan ang sitwasyon.”
Ang ginatumod ni Bato nga “yellow” amo ang Liberal Party samtang ang pink naman amo ang simbolo sang mga nag-suporta kay anay Vice President Leni Robredo sang 2022 elections.
Sa bahin sang Liberal Party, ginsiling ni former senator kag party spokesperson Leila de Lima nga wala pa ini sang plano nga mag-upod sa iban nga mga grupo agud balabagan ang mga Duterte sa palaabuton nga eleksyon.
