ILOILO CITY – Nagpanawagan ang mga drivers sang e-bike sa Poblacion West, Oton sa Sangguniang Bayan nga tugutan sila nga magbyahe.
Sa interview sang Bombo Radyo kay Alyas Dodoy, iya ginpahayag nga madugay na nila nga gina-request ang ordinansa nga nagahatag sang permit sa ila nga magbyahe apang daw kaangay nga ginapasa-pasahan lamang sila.
Suno sa iya, masobra sa duha ka bulan na nga wala sila nagabyahe kag tuman na ka dako ang apekto sa ila palangabuhian.
Pahayag dugang sang natungdan, wala sila sang iban nga palangitan-an magluwas lamang sa pagbyahe sang e-bike.
