Ginakabig sang isa ka human rights lawyer nga mapagu-an ang mga ebidensya nga igapresentar sa International Criminal Court (ICC) subong nga adlaw, kasunod sang Confirmation of Charges batok kay anay President Rodrigo Duterte.
Sa interview sang Bombo Radyo kay Atty. Jobert Pahilga, iya ginpahayag nga madamo sang mga ebidensya nga ginsumiter ang abogado sang mga biktima sang lapnagon nga pagpamatay sa idalum sang administrasyon ni Duterte, nga mas kilala bilang kampanya kontra iligal nga droga ukon “war on drugs.”
Ginklaro man ni Pahilga nga wala sang basehan ang impormasyon nga ginapalapta sang pila ka mga supporter ni Duterte nga mabasura gilayun ang kaso sa tion pa lamang sang confirmation of charges sa ICC.
Paathag ni Pahilga, ang tinutuyo sang confirmation of charges hearing amo ang paghibalo kun may husto kag mabug-at nga ebidensya batok sa akusado agud ipadayon ang kaso sa full trial.
Apang kun mapamatud-an nga kulang ang ebidensya, posible man nga ibasura ang kaso.
 subong nga adlaw, kasunod sang Confirmation of Charges batok kay anay President Rodrigo Duterte.){kind=link}