ILOILO CITY – Ginbalik na sa mother unit ang mga empleyado nga nagabug-os sa Iloilo City Anti-Smoking Taskforce (ICAST).
Ini ang kasunod sang pagpaguwa sang Memorandum Order ni anay Mayor Jose Espinosa III nga nagamandu sa mga empleyado sang ICAST nga magabalik sa ila tagsa ka mother unit.
Sa interview sang Bombo Radyo kay Mayor Jerry Treñas, iya ginkumpirma nga nabaton niya ang Executive order nga napetsahan pa sang Oktubre 2018.
Sa subong, ginatun-an pa sang alkalde kun sa ano nga departamento ipaidalom ang ICAST.
Samtang, may kaangtanan diri, ginapahayag nga may yara man sang reshuffling sa mga talatapan sa Iloilo City Hall.
Santo sa impormasyon, lakip sa mga pagahalinon nga mga talatapan amo ang City Health Office, City Department of Interior and Local Government (DILG), Barangay Secretariat, General Services Office (GSO) kag Office of the Senior Citizens.
Wala pa sang pinal nga desisyon kun sa diin nga panalgan sang Iloilo City Hall igasaylo ang mga nasambit nga talatapan.
