ILOILO CITY – Ginpasalamatan sang Iloilo City Government ang mga medical technologist nga amo ang nagpatigayon sang swabbing sa tanan nga empleyado sang Iloilo City Hall.
Ini ang may kaangtanan sa na record nga 33 ka COVID-19 cases kasunod sang kumpirmasyon ni Iloilo City Mayor Jerry Treñas nga may yara sang mga empleyado sa City Treasurer’s Office nga nagpositibo sa COVID-19.
As of September 24, naglab-ot sa 1,151 ka empleyado ang nakuhaan sang swab sample sa Iloilo Freedom Grandstand samtang 219 naman ang sa Diamond Jubilee Hall kag quarantine facilities/hotels.
Sa pangkabug-usan, naglab-ot sa 1,370 swab samples ang natipon subong nga adlaw.
May kaangtanan diri, ginapahayag nga may dugang nga mga empleyado nga nagpositibo sa virus kun sa diin dugang nga 32 ka COVID-19 cases ang na record sa syudad sang Iloilo.
