ILOILO – Ginasiguro sang Iloilo Provincial Government nga may yara sang batunon nga one-time service recognition incentive (SRI) nga balor P10,000 ang mga empleyado sang gobyerno sa probinsya.
Sa idalom sang Administrative Order 37 ni Presidente Rodrigo Duterte, ang incentive ang mabaton sang mga empleyado sang gobyerno nga lunsay regular, contractual, ukon yara sa casual position.
Sa interview sang Bombo Radyo kay Atty. Suzette Mamon, Iloilo Provincial administrator, iya ginpahayag nga kinahanglan nga may yara sang supplemental budget agud nga masuportahan ang fund allocation kag disbursement sang pondo para sa mga empleyado.
Bangud sini, nagakadapat nga magpatigayon sang session ang Sangguniang Panlalawigan agud nga mapasar ang supplemental budget.
Ang Iloilo Provincial Government ang may yara sang masobra 2,000 nga mga empleyado.
