May bag-o nga mga impormasyon nga nabaton si Senator Risa Hontiveros kaangot sa mga espiya sang China nga nakasulod sa Pilipinas paagi sa Philippine offshore gaming operators (Pogos).
“Now that budget deliberations in the Senate are done, it’s time to continue our next and last hearing on the criminalities of Pogos and Guo Hua Ping or Alice Guo and her group,” pahayag sang senadora.
“We have obtained new information, especially on the entry of Chinese spies in the Philippines through Pogos,” dugang sini.
Igasapubliko ini nga mga impormasyon sa katapusan nga hearing sang Committee on Women, Children, Family Relations and Gender Equality kaangot sa illegal activities sang Pogos sa November 26, Martes.
Sa amo nga inquiry, ginpatawag ang dalagku nga figures nga naangot sa Pogo kaangay kay dismissed Bamban, Tarlac Mayor Alice Guo, si Cassandra Li Ong, si Tony Yang, kag ang father-son duo nga nadakpan sa Cebu POGO hub.
Ginsiling man sang senadora nga nagapati siya nga may policy gaps sa executive order nga ginpaguwa ni President Ferdinand Marcos Jr. nga amo ang opisyal nga naga-ban sang POGO sa Pilipinas.
“That’s why in the next hearing, we will lay out reforms in our law that we need to push for here in the Senate because of the many irregularities and policy gaps that we’ve seen. The committee will wrap up all loose ends at the hearing on Tuesday, Nov. 26,” dugang sini.#
