ILOILO CITY – Padayon na nga naganubo ang kaso sang Coronavirus Disease 2019 (COVID-19) sa Estados Unidos.
Suno kay Bombo International Correspondent Dr. Asang Comprendio, gikan sa Miami, USA sa subong sa 50 ka estado nagdangat na sa halos 1.4 milyon ang positibo nga kaso sang COVID-19 sa Estados Unidos sa diin 237,000 diri ang recover na kag 83,000 naman ang nagkalamatay.
Dugang sang natungdan, yara na subong sa Phase 1 Opening ang Estados Unidos sa diin amat-amat na nga nagabukas ang mga establisyemento komersyal kag ginabalik sa normal ang operasyon.
Sa pihak sini, apisar nga padayon ang pagnubo sang kaso sang COVID-19 ini sa gihapon makapasalig ang gobyerno sang Estados Unidos bangud posible nga magluntad ang ika-duha nga hugnat sang nasambit nga balatian ilabi pa subong nga nagaplano na ang gobyerno nga buksan sa bilog nga kalibutan ang mga estado.
