Nag-anunsyo ang Commission on Higher Education (CHED) nga makakuha sang 50% nga discount sa tickets ang mga estudyante kag manunudlo nga magalantaw sa pili nga mga hampang sa 2023 FIBA Basketball World Cup halin sa Agusto 25-Septyembre 2.
Lakip sa covered sang discount amo ang una nga sambuwa sang Gilas Pilipinas batok sa Dominican Republic sa Philippine Arena sa Agusto 25.
Ang iban naman nga hampang ang patigayunon sa Araneta Coliseum kag sa Mall of Asia Arena.
Ang disount sa ticket rates ang para lamang sa mga pulungkuan sa premium upper box, regular upper box, kag general admission sections.
Kinahanglan lang nga i-presentar ang school ID kag Professional Regulation Commission (PRC) ID sa ticketing stalls nga TicketNet ukon SM Ticket outlet.
“Iniimbita ko ang lahat ng mga estudyante, mga guro, at mga kawani sa lahat ng pamantasan sa buong Pilipinas na manood ng FIBA World Cup 2023… Suportahan natin ang mga atletang Pilipino,” pahayag ni De Vera.
Ang mandu sang ahensya ang kasunod sa nauna man nga mandu ni President Ferdinand Marcos Jr. nga suspension sang klase sa public schools kag trabaho sa gobyerno sa Metro Manila kag Bulacan sa Agusto 25 para sa opisyal nga pagbukas sang FIBA World Cup. #
