Mahimo nga ipaidalom sa Alternative Delivery Mode ang klase sang mga estudyante nga nabiktima sang palupok kasunod sang pagsug-alaw sang bag-ong tuig.
Sa interview sang Bombo Radyo kay Mr. Hernani Escullar Jr., Spokesperson sang Department of Education Region 6, iya ginpahayag nga kon mabudlayan gid ang estudyante sa pagtuon bangud sa pilas nga naangkon bangud sa palupok, mahimo nga mag-offer ang manunudlo sang Alternative Delivery Mode.
Suno kay Escullar, ini agud nga mas mapadasig man ang pagpaayo sang estudyante samtang ini ang nagapadayon sang pag-eskwela.
Ginpahayag man sini nga mahimo lang nga mag-untat ang amo nga delivery mode kon makumpirma na sang doktor nga maayo na sa injuries ang estudyante.
Ginpasigurado man sang natungdan nga may mga activity sheets ang estudyante samtang ini ang yara sa Alternative Delivery Mode.
