ILOILO CITY – Nakakuha sang temporary restraining order (TRO) ang mga iskolar nga nag-file sang civil case batok sa Northern Iloilo Polytechnic State College (NIPSC).
May kaangtanan sa indi pag-release sang kolehiyo sang ila Transcript of Records kag iban pa nga credentials bangud sa ginapahayag wala nabayaran nga masobra P70 million nga scholarship program ni anay Iloilo Fifth District Rep. Niel Tupas Jr.
Ini ang rason nga nagpasaka sang civil case ang mga iskolar batok sa presidente sang kolehiyo nga si Dr. Ma. Theresa Palmares kag iban pa nga opisyal.
Sa interview sang Bombo Radyo Iloilo, ginpahayag ni Tupas nga isa ka kadalag-an ang 30 ka adlaw nga TRO nga ginapaguwa sang Regional Trial Court.
Bangud sa TRO suno kay Tupas, mahimo na makuha sang mga iskolar ang ila credentials.
Una na gin-ako sang anay mamalidha nga nagbulig ini sa mga iskolar sa pagpasaka sang kaso batok sa kolehiyo.
Ginpanindugan ni Tupas nga ang ginabato nga anomalya sa iya kaangot sang iya scholarship program ang kabahin lang sang pulitika.